文章分類: 好朋友 (老人家一名，十五歲啦！)

蚊蚊

bread2007 — Thu, 30 Aug 2007 09:24:31 +0800

呢位就係蚊蚊啦！蚊蚊住喺我公司隔離，所以我成日都見到佢架。蚊蚊BB 仔就被遺棄，好在一個好好心嘅家庭到愛護動物協會領養咗蚊蚊！　

佢好得意好聽話架，自己去完街會返嚟乖乖坐底等主人！蚊蚊嘅尾巴被人切咗架，好慘呀！不過佢而家擺尾時都好得意架一ｄ都冇影響，蚊蚊好幸福架喎，每日都有得落街佢仲去過遊船河潻呀，真羨慕！

bread2007 — Sat, 26 May 2007 23:06:35 +0800

早幾日同幾位朋友去咗新加坡玩，食咗好多好味道嘅野，碟蟹好好味架！

奶茶香滑！

泡冰解暑不過我冇食，因為ｄ顏色好嚇人呀！

bread2007 — Thu, 29 Mar 2007 22:19:38 +0800

一位好友嘅父親星期三動了一次大手術，手術順利，Uncle休養中，而我地一班朋友就不想打擾所以沒有每一天都致電好友跟進Uncle情況，所以在此同阿Bo一同支持妳，加油呀！！

bread2007 — Wed, 28 Feb 2007 22:31:06 +0800

今晚放工返到屋企樓下大堂大約八時左右，見到一個鬼鬼祟祟嘅人喺信箱位置，一看之下原來係住喺隔離洋樓嘅周師奶，我當然抓緊機會去嚇佢一跳啦！佢成日都放ｄ野入我個信箱架，不過全部都係禮物嚟嘅。

今次佢專登放封利是入我個信箱架，多謝晒！係一封好精緻嘅利是，今晚忍唔住打開嚟睇，原來入面仲靚同有對阿Bo嘅祝福潻，多～～～～謝～！

bread2007 — Sun, 25 Feb 2007 22:08:54 +0800

有位設計師朋友叫咗我幾次快ｄ搵返阿Bo以前嘅相出嚟然後佢會幫我將ｄ相整靚靚等我可以放上個Blog同大家分享，今日喺屋企就啲起心肝搵咗一批阿Bo以前嘅相，希望快ｄ整好俾大家睇啦！多謝Designer　

bread2007 — Mon, 05 Feb 2007 17:58:42 +0800

昨天去了好朋友珊珊屋佐慶祝佢既生日，十分開心玩UNO玩到癲晒，好搞笑又好疲倦！樂極忘形，有好多食物都唔記得影～～

昨日既Party有六人參加，佢地都係我既好朋友，雖然佢地唔係個個都係愛狗之人，但係佢地好關心阿Bo既情況，好感謝大家為我分憂！！